IE9 non será compatible con XP

IE9 no será compatible con XP

O tan usado e polémico á vez, navegador web de Microsoft vén preparando unha nova versión desde fai meses. Como ben saben os deseñadores e programadores web, Internet Explorer caracterízase por cumprir e respectar os estándares ao seu xeito, o que complica o traballo de todo o mundo. Tras a obrigación á que someteron a Microsoft, de permitir aos usuarios elixir que navegador queren instalar en Windows con cada nova instalación (a denominada Ballot Screen),  perdeu máis cota de mercado que a que viña perdendo por causas naturais (a xente vai coñecendo outros navegadores e a maioría queda coas alternativas).

A noticia é que Internet Explorer 9 non será compatible con Windows XP. O que en principio pode parecer algo positivo, para calquera empresa de deseño web que teña que probar as súas páxinas con Internet Explorer e usen XP será unha molestia. Os moitos usuarios de XP que aínda quedan, esperemos que se pasen a navegadores alternativos. Se pretenden que a xente actualice Windows por eliminar o soporte de IE para XP, creo que van bos.

Segundo anuncian, IE9 terá maior soporte para computadores potentes, utilizando varios núcleos nos procesadores que dispoñan deles, e así mesmo mellorarán o soporte para HTML5 e java. O que non sabemos é se este maior “aproveitamento” dos recursos do PC terá repercusións en máquinas con poucos recursos.

Vía HoySoftware

Relacionadas:

• Google Tollbar xa é compatible con Firefox 3
• OpenOffice 3.0 compatible con Microsoft Office 2007.
• Requisitos mínimos ubuntu
• Emesene Crazy – MSN Messenger para Ubuntu 9.04
• Max-Fi, unha Wifi de longo alcance.
• Banda ancha de 1MB será un dereito universal en 2011
• Kindle Cloud Reader, a aplicación de Amazón para ler libros electrónicos