Sincroniza música entre distintos dispositivos con mSpot

Escrito en: Computación na nube, Utilidades o día 13 Xullo 2010

Sincroniza música entre distintos dispositivos con mSpot

Hoxe en día todo o mundo posúe unha gran librería de música, xeralmente en .mp3 no seu computador de sobremesa, que adoita compartir con outros dispositivos como móbiles, netbooks, portátiles, reprodutores de mp3, etc. Ás veces sincronizar a música con todos estes dispositivos pode ser unha tolemia e xa non sabemos que música hai en que aparello, atopámonos con contido duplicado quedándonos sen sitio para máis música, etc.

Mspot é un interesante servizo que facilitará a sincronización da nosa librería de música entre calquera dos nosos dispositivos con conexión WiFi. Funciona con Windows, Mac OS e Android 2.1. Temos que instalar o software nos nosos distintos sistemas, e desde a librería central (o PC xeralmente) subir todas as cancións a internet a través do propio programa. Logo só temos que conectarnos con calquera outro dispositivo a través de mSpot e acceder directamente á música almacenada a través de streamming. A conta é gratuíta, e sen ningún tipo de ampliación ofréceche 2Gb de almacenamento. Podes comprar máis espazo tamén se o desexas. Probar mSpot.

mspot