Un Google Docs renovado

Un Google Docs renovado

No blog oficial de Google anunciaron que a suite ofimática Google Docs vaise renovar con novas funcións e características realmente moi interesantes en especial en Documentos, Follas de calculo e o editor de debuxo que se lanzará un totalmente renovado.

Se usastes Google Wave recordaravos moito ás novidades que son introducidas para traballar en Grupo, sen dúbida unha das novas funcionalidades que máis impresiona é o feito de poder ver letra por letra o que esta editando outro usuario no mesmo documento, pero esta renovación non queda en só iso xa que nos atoparemos con que nos documentos engadiuse unha regra á marxe, mellor numeración e máis opcións de colocación das imaxes, nas follas de calculo unha barra de edición de fórmulas, celas autocompletables, arrastrar e soltar … , o novo editor de debuxo está pensado para crear diagramas, flow charts … coa característica de que pode usarse como lousa colaborativa mediante unha conversación paralela.

Como vedes son moitas as novidades que incorporará Google pensando en alcanzar na nube as mesmas funcionalidades que a suite ofimática de Microsoft en local, pero hai que dicir que esta suite ofrécenos posibilidades de colaboración que non ofrece ningunha outra.

Relacionadas:

• Presentaciones en Google Docs
• Almacena calquera ficheiro en Google Docs
• Xa podes abrir zip e rar desde Gmail e Google Docs
• Google imaxes renovado
• Recoñecemento OCR en Google Docs
• Embeber ficheiros PDF e PPT en Google Docs
• Google Docs agora sincronízase con Microsoft Office